الممبار اشهى اكلات مصر

يعتبر "الممبار" من الآكلات الشهية والشعبية الشهيرة جدا في مصر، مع أنها معروفة أيضا في بلاد الشام، لكن بأسماء مختلفة، وتعتقد الكثيرات أن تحضير الممبار يحتاج لمجهود جبار ووقت كبير، إلا أن هذا ليس من الصحة بمكان، فلذة الممبار وطعمه الرائع ينسيان حواء تعبها فيه.
ولم تعد السيدات حاليا بحاجة للجلوس ساعات لتنظيف الممبار، لأنه بات يباع منظفا، ومع هذا عليك بنقعه في القليل من الماء والملح لمدة 20 دقيقة أو أكثر، ثم يشطف ويكون جاهز للحشو.

خلطة المنبار:
1 كيلو ممبار يقطع إلى حوالي 19 قطعة طول القطعة ما بين 12 إلى 15 سم.
1 ك أرز مصري.
عدد 2 بصلة كبيرة.
1 كيلو طماطم.
سمن أو زيت.
مكعب مرقة دجاج.
صلصة طماطم.
شبت وبقدونس وقرن فلفل حامي "حسب الرغبة".
قليل من الملح والفلفل والبهار والقرفة وبعض النعناع الناشف.

طريقة التحضير:
-نحضر حلة نضع فيها عدد 1 بصلة مفرية مع السمن وتشوح على النار، ثم نضع عليها عصير الطماطم، ونضع مكعب مرق دجاج، وتترك لتتسبك.
- نضع معلقتين صلصلة طماطم تقلب وتترك لتغلي، ثم تترك لتبرد قليلا، ونضع عليها الأرز والشبت والبقدونس بعد تقطيعها لقطع صغيرة.
نحضر البصلة الثانية وتقطع صغيرة وتتبل بالملح والفلفل والبهار والقرفة والنعناع الناشف، وتدعك جيدا وتضاف على الخلطة وتقلب جيدا، ويحشى الممبار بها استعدادا لسلقه.

السلق:
-نحضر حلة غويطة توضع على النار نضع فيها سمن ونضع 2 فص مستكة وتذوب، ثم نضيف عليها مقدار كبير من الماء، ونضع ورق لوار وحبهان وتترك لتغلي.
-نضع فيها حلقات الممبار و تترك للنضج لفترة من ساعة إلى ساعة و نصف.
-يرفع و يترك ليبرد، ثم يحمر في زيت ساخن غزير ولا يترك كثيرا على النار حتى لا ينشف، ويقدم مع البقدونس ورشة فلفل اسود

وبالهناء والشفاء.

من طرف KARMNAHMED الإثنين يوليو 12, 2010 3:45 pm

عجبك كده
ادينى جوعت
ربنا يستر على اللى فى البيت

انا بموت فى حاجة اسمها بومبار

شكرا ياقمر على الوصفة الجميلة

ههههههههههههه
خلاص هعملهولك وتعالى كلى عندنا
بس هاتى معاكى اسعافات اوليه
وحضرى نمره المطافى

من طرف KARMNAHMED الإثنين يوليو 12, 2010 4:19 pm

ههههههههههههههههههه
ياساتر يا رب

لا يا اختى معطلكيش

انتى اكلك خطر

وماله البيض المسلوق اللى بعمله بجدارة

اه قلبى قلبى

انا اكلى خطر
هو بس مضر بالصحه بيجيب تسمم
اخس عليييييييكى مش هاكلك الممبار بتاعى

من طرف حنان وبس الثلاثاء يوليو 20, 2010 12:41 am

ممكن تذوقينى الممبار انا متاكدة ان هيكون مفيش كدة وانا بموت فيه يعنى اعطى لى واجرى

من طرف **MIDO** الأربعاء يوليو 21, 2010 4:41 pm

شكر ياسلمى على الطريقة التحضير
بس انتى جيتى على الوجيعة
انا بموت فى حاجة اسمة ممبار و كوارع و الطحال و
لحمة الراس
انا بموت فى الرابع اكلة دول
انتى كدة جوعتينى معانى لسة فطر
ههههههههه