الزواج الثانى فى مصر

السلام عليكم أولا"

أما ثانيا" اسمحمولى أرد :

أولا" زى ما قال أخى مروان مش هاتطرق لحكم الدين فى الموضوع

أتكلم عن تصورى الشخصى

أرى تعدد الزوجات أمر مقبول جدا" لكن بشروط

1)المقدرة (بكل معانيها).

2)العدل (فى الإنفاق والمبيت وكل الأمور الملموسة).

3)أن تكون الزوجة الأولى ومن بعدها متقبلات لفكرة التعدد ومتقبلات لبعضهن البعض.

يعنى بالبلدى ما يروحش الزوج يتزوج على زوجته الأولى واحدة تانية هى من الأصل بتكرهها ولا تطيق أن تراها (فما بالك إن شاركتها زوجها؟!!)

وأنا عن نفسى أعرف بيوت فيها أكتر من زوجة ( وليسوا من أهل السنة ) ومع ذلك المركب والحمد لله سايرة

كمان شايفة التعدد فعلا" فيه حل لمشاكل العنوسة

وأرى أن الرجل ممكن يحب ويخلص لأكتر من زوجة فى وقت واحد

أى أن الموضوع ليس فيه خيانة أوغدر

وليس معناه أن الزوجة بها عيب أو يعنى مش مالية عين زوجها ولا حاجة

وأعرف بنات مش عندهم مشكلة إنهم يكونوا زوجة أولى أو تانية أويمكن تالتة

مع إنهم مش فيهم عيب لكن أزعم أنهم عاقلات

أما عن الغيرة والمشاكل فلا يوجد بيت خالى من المشاكل سواء فيه أكتر من زوجة أو فقط زوجة واحدة لكن ممكن الأمور تمشى بشئ من التفاهم

كان هذا رأيي المتواضع

تقبل مرورى أخى

تحياتى على الموضوع الهام